चलचित्र अञ्जिला कोरियाको विभिन्न शहरहरुमा प्रदर्शन हुँदै

नेपाली महिला राष्ट्रीय टोलीकी कप्तान अञ्जिला तुम्बापोको जीवन कथामा आधारित चलचित्र "अञ्जिला" कोरियाका लागि आधिकारिक वितरक किरात याक्थुङ चुम्लुङ दक्षिण कोरियाले गरिरहेको छ। चुम्लुङले मार्च २ तारिखका दिन सौल दोङ्देमुनमा च्यारिटि सो गरेको थियो।  

यो चलचित्र  कोरियाको विभिन्न शहरहरुमा प्रदर्शन हुँदैछ। मार्च २३ तारिख ह्वासङ (फारान) मा प्रदर्शन हुँदैछ भने थेजन शो मार्च ३०, मोक्पो शो मार्च ३० मा हुनेछ। यसैगरी फुयु शो अप्रील ५, ओन्याङ ओन्छन शो अप्रील ६, मुगुक शो अप्रील ६ ,  जेजु अप्रील १२ तारिख प्रदर्शन हुँदैछ भने किम्हे,  गजेदो,  इक्सान,  किम्पो ,  सुवन,  नोन्सान,  थेगु शोको भने मिति तय भैसकेको छैन। 

मार्च १३ देखि प्रदर्शनमा आएको चलचित्रमा अञ्जिला तुम्बापो,  दयाहाङ राई,  माओत्से गुरुङ,  वुद्दि तामाङ आदिको अभिनय हेर्न सकिने छ। 

कोरियाभरि प्रदर्शन गरिने शो "अञ्जिला तुम्बापोको " भवन निर्माणार्थ प्रदर्शन गरिने भएको हुँदा सम्पूर्ण खेलप्रेमी एवम चलचित्र प्रेमीहरुलाई चलचित्र हेरिदिनको हार्दिक अनुरोध गर्दछौँ।  भवन निर्माण पश्चात उक्त भवनलाई फूटबल एकेडेमी बनाउने अञ्जिला तुम्बापोले बताएकी छन्। अञ्जिला हाल युरोपको ग्रीसको ए डिभिजन "निस" क्लवबाट व्यवसायिक फूटबल खेल्दैछिन्।